شيعي ولا سني

موضوع: شيعي ولا سني الجمعة سبتمبر 26, 2008 12:47 am

شيعي وإلا سني

شيعي وإلا سني

يسألني شيعي إنت وإلا سني
قِـلِت تتعـب ترى لو تلاسنـّي
كبرت آنـا ومن صـغـر سني
ماشِفِت مكتوب شيعي بالهويه

الحكومة سجلت آنا وإنت مُسلم
لأني أشهد بربي وبالنبي إمسلّم
شيعي وإلا سني لو مثل مُسـلِم
تسحبوني عالثرى ما تأثر عليه

أقـرأ قـرآن ربـي وآمـن وأصليّ
واحـتمي بآياته لو شـرٍ وصلْ لِي
وحب ولاية علي مذهبي وأصْـلِي
والكافر ذاك اللي يذب كفـره بـيـّه

لامسيار ولامتـعة تزوجت سُنة
شيعي وناسبت جيراني السّـنة
وجـاني خـالـها بخنجره وسَـنـّه
قِلِت صبرك وخل عنك العربجيه

قلي على نفسك نويت الشينه
لكن عندي سؤال بس ياشينه
بنتك ملاك وسميتوها شينه ؟
قلت خايف على حظها شويه

الشاعر حــايــر